Partia Demokratike ka thyer ditën e sotme përfaqësuesit e saj në Komisionin Qëndror Zgjedhor.
Prania e përfaqësuesit të PD-së Njazi Kosovrasti në mbledhje është shoqëruar me debate, me përfqaqësuesin socialist në KQZ, Denar Biba.
“Duke mos qene subjekt zgjedhor, interesi juaj është një me gazetarët. Ju uroj mirëseardhjen këtu. Ju nuk jeni subjekt zgjedhor”, iu drejtua Biba-Kosovrastit, i cili në përgjigje iu drejtua me një pyetje kreut të KQZ.
“Sipas jush ku duhet të jem?”, tha Kosovrasti ndërsa shtoi se, “Jam parti parlamentare dhe kam të drejtë të marr pjesë në mbledhjet e KQZ. Të drejtën ma jep kodi zgjedhor”
PD rikthehet në mbledhjet e Komisionit Qëndror Zgjedhor pas tri muajsh, kohë në të cilën opozita e bashkuar vendosi të djegë mandatet parlamentare.
Debati
Denar Biba: Intensiteti i pyetjeve më duket pak e tepruar. Duke mos qenë subjekt zgjedhor, me mirëdashje.
Njazi Kosovrasti: Nuk kam lidhje me mirëdashjen, kam lidhje me Kodin Zgjedhor. Nëse ky instensitet është në kundërshtim me Kodin atëherë.
Denar Biba: Vlerësoj se duke mos qenë subjekt zgjedhor.
Njazi Kosovrasti: Merrni vendimin që PD të marrë pjesë në zgjedhje, ose të marrë pjesë e të mos flasë.
Denar Biba: Jeni subjekt zgjedhor, jeni regjistruar për zgjedhjet e 30 qershorit
Njazi Kosovrasti: Jo, e çdo të thotë kjo. Por kam një nen. Unë jam parti parlamentare dhe si e tillë më takon të marr pjesë në KQZ dhe meqë ju dëshironi po ju citoj Kodin Zgjedhor.
Denar Biba: E njoh ligjin nuk keni pse të ma lexoni. PD ka një marrëdhënie të shkëputur nga parlamenti aktualisht është fakt i njohur publikisht
Njazi Kosovrasti: Cfarë pune keni ju. Padiskutim që jemi parti parlamentare dhe kuptimi i partisë parlamentare përcaktohet nga rezultati i zgjedheve të radhës
Denar Biba: Po, por ju ato mandate i keni dorëzuar
Njazi Kosovrasti: Bëni detyrën zoti Biba si anëtar i KQZ mos u merr me probleme të politikës.
Denar Biba: Unë qëndrova tek elementi i pastër administrativ i ndërhyrjes së vazhdueshme
Njazi Kosovrasti: Problemin e intensitetit, e vendosi ju masën e ndërhyrjeve të mia?
Denar Biba: Ju lutem qëndroni ligjin.
Njazi Kosovrasti: Unë i qëndroj ligjit jo preferencave tuaja.
g.kosovari
