Pas informacioneve të nxjerra nga Policia se në protestën e ditës së nesërme mund të ketë goditje me gurë ndaj kryeministrisë dhe incidente të tjera, ka reaguar menjëherë Partia Demokratike. Selia blu në një njoftim për mediat bën të ditur se ka kërkuar leje për protestën që do të nisë në orën 12 dhe nuk dihet se kur do të mbarojë.
ndryshe nga Policia që bënte të ditur se leja për protestën ishte katër orë, për demokratët ajo nuk ka orar fiks. Në të njëjtën kohë selia blu hedh poshtë informacionet e nxjerra nga policia për incidente gjatë ditës së nesërme. “PD deklaron se protesta nesër do te nise ne oren 12 dhe nuk ka te percaktuar orar perfundimi. PD hedh poshte cdo insinuate te dale ne media me burime anonime, sikur do kete skenar per te provokuar policinë”. /ma.me
