Kryetari i Partisë Demokratike Lulzim Basha prezantoi kandidatët për kryebashkiakë në Gramsh Kodhel Çala, në Cërrik Qamil Boja, në Belsh Asqeri Kuqja dhe në Peqin Albert Kreçi.
Në fjalën e tij Basha tha se Shqipëria ka dy vjet që ecën në rrugën e gabuar.
Sipas tij mjerimi dhe varfëria kanë pushtuar çdo familje, ndërsa qeveritarët tallen me bukën e fëmijëve të shqiptarëve. Basha vijon në akuzat e tij duke u shprehur se mazhoranca është zhytur në korrupsion duke kërkuar ryshfete edhe për një vend pune si pastruese.
“Kam takuar sot, sikundër dje dhe ditët e kaluara, nëna kryefamiljare që qanin se s’kishin bukë t’u jepnin fëmijëve, që mbanin me ujë me sheqer foshnjen 10 muajshe, baballarë që hidhninin kokrrën e lotit sepse ministri i mirëqenies personale u ka hequr asistencën për djalin se i ishte prerë vetëm një dorë e i duhej pritur edhe tjetra që të përfitonte asistencën. Sa ka shkuar rryshfeti për vendin e punës në Cërrik”? tha Basha
“2 mijë euro” tha një banor
“2 mijë? Pazar i ulët qenka se diku kishte shkuar 3 mijë e diku tjetër 5 mijë”. tha Basha
Sipas kryetarit të PD 21 qershori është ora e llogaridhënies për keqqeverisjen, premtimet e pambajtuara dhe varfërinë ku e ka zhytur vendin dyshja Rama –Meta.
“Punët nuk po ecin në drejtimin e duhur. Punët po ecin në drejtimin e gabuar. Numëri i personave që jetojnë në kufijtë e mjerimit është pesëfishuar. Ta ngrejë dorën se cili fermer sot subvencionohet për naftën. Kush e paguan naftën sot më lirë se para dy vitesh? Zgjedhjet e 21 qershorit nuk janë dhe nuk mund të jenë kurrë vetëm zgjedhje vendore. Ato janë zgjedhje ku do të ushtojë nga gjiri i qytetarëve të bashkuar, të djathtë e të majtë, vendimi dhe gjykimi i drejtë politik me votën tuaj për keqqeverisjen Rama-Meta”, tha Basha.
Redaksia Online
(JavaNews.al)
