Partia Demokratike ka mbledhur këtë mesditë grupin parlamentar, vetëm pak orë para seancës së parë plenare për këtë vit, e cila nis sot në orën 17:00 sesionin e ri.
Në mbledhje po diskutohet pikërisht për seancën plenare, e cila është e para pas asaj së zgjedhjes së Kryeprokurores së re të Përkohshme, Arta Marku, mes protestave e tymuesve nga opozita.
Edhe në mbledhjen e grupit, anëtarët e djathtë kanë kërkuar që prokurori i përgjithshëm të kthehet në ligjshmëri.
“Prokurori i Përgjithshëm të kthehet në ligjshmëri. Prokurori i Përgjithshëm i Përkohshëm nuk ka kompetenca për shkarkime dhe transferime. Mazhoranca po kap drejtësinë. Saimir Tahirit iu kthye pasaporta, Orest Sota u lirua nga burgu, po mbyllen çështja ‘Xibraka’. Është shkelur rregullorja, janë falsifikuar votat, Gramoz Ruçi të largohet nga drejtimi i Kuvendit, është dhunuar e drejta e opozitës për të folur”, mësohet të kenë thënë demokratët në mbledhjen e grupit.
Ndërkohë, grupi i PD ka firmosur kërkesën për kthimin e Kuvendit në ligjshmëri.
a.ç
