Mjafton t’i hedhësh një sy me kujdes draftit alternativ të PD-së për Reformën në Drejtësi, për të kuptuar se më shumë se një proces apërfshirje për reformimin real të këtij sistemi, propozimet në thelb synojnë ruajtjen e mandateve të krerëve aktual të kupolës së sistemit të drejtësis, në varësi të zgjedhjeve të ardhshme parlamentare.
Në një seri pikash të propozimeve të saj alternative me theks kushtëzues, PD-ja synon që të ruhen mandatet e kreut të Prokuroris së Përgjithshme, anëtarëve të Këshillit të Lartë të Drejtësis dhe të Gjykatës Kushtetuese. PD-ja, në bazë të propozimeve të saj, kërkon që nëse miratohet drafti efektet e emërimeve të reja në këto institucione të jenë pas 1 shtatorit 2017. Thënë thjeshtë pas zgjedhjeve të ardhshme parlamentare.
Në thelb kjo pikë është tërësisht me sens politik, pasi në themel të propozimit të PD-së është një llogari elektorale e pastër që s’ka të bëjë fare me interpretimin kushtetues të mandateve, apo me ndonjë shkak të tjetër. Thënë thjeshtë, mandati i tyre do të varet nga rezultati i zgjedhjeve të ardhshme parlamentare.
Qartazi PD po synon të ruajë mandatin e Kryeprokurorit, krerëve të Inspektoriatit të Lartë të Drejtësis dhe të anëtarëve të Gjykatës Kushtetuese, që në jo pak raste janë akuzuar për flirte me PD në vendimet e tyre. Për të plotësuar akoma më shumë tablonë e një lëvizje politike të PD-së se sa një iniciativë reformuese, në këtë pikë parashikohet që votimi të bëhet me 3/5 e votave në Kuvend. Duket pak i “çuditshëm” ky propozim, po të kemi parasysh se PD-ja gjithë kohës ka qenë kundër votimit me 3/5, pasi, sipas saj, ky lloj votimi mundëson kapjen e sistemit të drejtësis nga mazhoranca aktuale. Ruajtja e mandatit të Kryeprokurorit, anëtarëve të KLD-së dhe atyre të Gjykatës Kushtetuese, ka qenë ngaherë një objektiv parësor për PD-në.
Kjo ka qenë edhe një nga arësyet e një sërë sebepesh që ajo gjente për të mos marrë pjesë në Komisionin për Reformën në Drejtësi. Sa i përket mandatit të Kryeprokurorit actual, në sfond, PD-ja kishte edhe mbështetjen e LSI-së. Por në momentin që LSI-ja u tërhoq, PD-ja mbeti zbuluar në këtë pikë. Tani ajo ka gjetur një formulë të re lidhur me këtë çështje, duke e bërë mandatin e tyre një pazar elektoral dhe jo një nismë për reformimin real të sistemit të drejtësis. Nga ana tjetër ky formulim synon ta kthejë komisionin e Reformës në Drejtësi në një tryezë negociatash politike. (javanews.al /Me.Ar)
Propozimi i PD-së:
Prokurori i Përgjithshëm, anëtarët e Inspektoriatit të Lartë të Drejtësis dhe anëtarët e Gjykatës Kushtetuese të emërohen me 3/5 e deputetëve në Kuvend, por pas datës 1 shtatot 2017.
