Ish-deputetja e PE-së dhe raportuesja Doris Pack u shpreh sot se arsimi në vend është i politizuar ndërsa bëri thirrje që qeveria të mos në kërkime shkencore dhe as në pavarësinë e integritetin e një pedagogu. pack eshte e vetmja qe duket se i lka ndejtur besnike PD dhe mund te flase per cdo zhvillim ne Shqiperi qe nga politika e deri te arsimi.
Në konferencën për media, ku i pranishëm ishte kreu demokrat Lulzim Basha, pedagogë e akademikë, ajo tha se ndihet e keqardhur që universiteti në Shqipëri është i politizuar.
“Jam e nderuar që jam e pranishme në një tryezë me kaq shumë pedagogë dhe akademikë. Besoj gjithashtu se Arsimi i Lartë në Shqipëri ka probleme. Unë besoj se ata studentë shqiptarë që janë jashtë, duhet të kenë kushtet që të kthehen dhe të japin kontributin e tyre këtu, në vendin e tyre.
Mund të them se sa kam ndjekur nga afër arsimin e lartë në Shqipëri, pasi kam biseduar dhe takuar shumë studentë, politizimi mbetet problem. Jam e keqardhur që universiteti është politik, i politizuar dhe kjo nuk është aspak gjë e mirë. Kjo prish edhe imazhin e universitetit. Po ashtu, qeveria nuk duhet të ndërhyjë në kërkime shkencore dhe as në pavarësinë e integritetin e një pedagogu”, tha Pack.
Doris Pack theksoi se qeveria nuk duhet që të përbuzë njerëzit e shkolluar, akademikët siç ndodh, por të vlerësojë këtë kategori, që përbën edhe elitën arsimore në vend.
/a.meta
