Partia Demokratike ka reaguar lidhur me aksidentin ku u përfshi deputeti i PDIU-së, Aqif Rakipi, i cili përplasi për vdekje një këmbësor.
Sipas PD-së, duke u bazuar tek Kodi Penal, Rakipi duhet të mbajë përgjegjësi për largimin nga vendi i aksidentit, pasi dënohet me 1 vit burg. Më tej PD theksoi se Rakipi duhet t’i hiqet imunitetit i deputetit.
Deklarata e Partise Demokratike
Neni 273 i Kodit Penal, i cili eshte ne fuqi edhe per miqte e Edi Rames, dikton se Aqif Rakipi mban pergjegjesi edhe per largim nga vendi i aksidentit, pergjegjesi qe ne vetvete denohet deri ne 1 vit burgim. Mbare opinioni publik eshte i revoltuar se si gjithe shteti eshte vene deri tani ne sherbim te deputetit mik te Rames, dhe ne kurriz te viktimes. Gjithcka per ta paraqitur viktimen fajtor te aksidentit dhe fajtorin viktime. Largimi nga vendngjarja pas perplasjes per vdekje te Seit Sorres, pervecse akt burracak i deputetit Rakipi, eshte edhe veper e paster penale qe e rendon poziten e tij para ligjit. Por miku i kryeministrit po perfiton nga Edi Rama i cili eshte ne vijim te qendrimeve te tij te njohura, prane krimit e larg qytetareve. Per me teper, qe deputeti Rakipi njihet si pike kyce e nderlidhjes se Edi Rames me trafiqet. Partia Demokratike i kerkon Prokurorit te Pergjithshem dhe Kreut te Parlamentit te nisin urgjent procedurat e heqjes se imunitetit te deputetit Rakipi, dhe nje hetim te plote dhe te pandikuar te ngjarjes, ne menyre qe te kete drejtesi per viktimen.
a.ç
