Ka dështuar dhe sot arritja e konsensusit në komisionin e posaçëm për Reformës në Drejtësi mes mazhorancës dhe opozitës, lidhur me miratimin e draftit. Lajmi u bë i ditur nga përfaqësuesi i PD-së në komision Oert Bylykbashi. Sipas tij, ka vetëm një çështje politike për tu zgjidhur, ajo që ka të bëjë me vendimarrjen për emërimin e organeve kolegjiale në sistemin e drejtësis.
“PD ka propozuar një variant pikë pikë sipas 88 të Komisionit të Vencias. Tentativa për të bërë zgjidhje jashtë politikës vetëm dëmton procesin e negocimit. Mazhoranca të pranojë atë që kërkon Komisioni i Venecias. Në të katër organet kolegjiale të sigurohet përfaqësimi i opozitës. Nuk kërkojmë më shumë nuk pranojmë më pak”, ka deklaruar Bylykbashi.
Ndonëse punimet e këtij komisioni janë ndjekur edhe nga ambasadori I SHA-së, LU, dhe I BE-së, Vlahutin, kjo nuk e ka penguar aspak Bylykbashin të deklarojë se nuk ka negociata me pistoletë në tryezë!! Sipas tij, topi është në fushën e kryeministrit.
“Komisioni s’ka asnjë mundësi. Nuk e miraton dot nen për nen draftin. Asnjë draft nuk reflekton atë që thotë Komisioni i Venecias”, deklaron Bylykbashi.
Nisur nga ky qëndrim, kuptohet tashmë qartë se PD po tallet haptazi me draftin që mbështesin SHBA dhe BE, duke injoruar tërësisht apelet e tyre për konsensus. Nga ana tjetër ky qëndrim po mban peng edhe dinamikën e zhvillimeve politike në vend, duke evidentuar qartë se PD ka hyrë në një spirale konfrontimi të hapur jo vetëm me faktorët politik në vend, por tashmë edhe me perëndimin.
Është e paqartë se cilat janë levditë e PD-së për të shpërfillur dhe tallur me SHBA dhe BE, por ajo që dihet tashmë është fakti se “kokëfortësia” natyrisht ka dhe çmimin e saj. PD, ka pak “këllqe” të mbajë kosto të tilla, duke pasur parasysh se ajo vijon të jetë shumë e dobët politikisht.
Nderkohe, mazhoranca ka vijuar me votimin e draftit nen per nen pa pranine e opozites, por me pjesemarrjen e ambasadoreve Lu dhe Vlahutin. Drafti i Reformes eshte votuar me perjashtim te pikave ku PD ka kundershtime.
ma.me
Komisioni
Komisioni i Posaçëm për Reformën në Drejtësi ka nisur punën mesditën e sotme, sikurse ishte parashikuar në kalendarin e punimeve. Ndërkohë, burime nga terreni bëjnë me dije se të pranishëm do të jenë edhe ambasadorët e Shteteve të Bashkuara të Amerikës dhe të Bashkimit Evropian.
Donald Lu dhe Romana Vlahutin janë parë të hyjnë në Kryesinë e Kuvendit ku komisioni do të zhvillojë mbledhjen e radhës.
Më parë, PD që kryeson edhe opozitën në Shqipëri konfirmoi pjesëmarrjen e saj në tryezë, por siç tha Basha
Në mbledhjen e sotme, komisoni pritet të diskutojë gjetjen e modaliteteve për arritjen e një konsensusi për reformën në Drejtësi mbi bazën edhe të një drafti paraprak që përfshin shtrirjen e hetimeve të figurave të larta që nga viti 1991 si dhe formulën e përzgjedhjes së anëtarëve të KLGJ dhe KLP. (java / r.a)
