Grupi Parlamentar i Partisë Demokratike depozitoi sot në Prokurori kërkesën për kontrollin e të dhënave të dekriminalizimit për deputetin Aqif Rakipi dhe për deputetin Gjetan Gjetani, lidhur me dyshime për fshehjen e të dhënave për aktivitet kriminal, që sipas ligjit për dekriminalizimin duhej t’i pengonte për të marrë poste publike apo për tu zgjedhur
Por i menjëhershëm ka qenë reagimi i dy deputeteve te PDIU dhe PS, duke e cilesuar si sulm politik kerkesen e PD-se.
Deputeti socialist Gjetan Gjetani, i akuzuar nga Partia Demokratike se ka të shkuar kriminale në Itali e konsideron kërkesën e PD-së në Prokurori një shpifje të pastër politike. Gjetani tha se hera e vetme që ka dalë jashtë kufirit shqiptar ka qenë këtë vit, kur ka qëndruar 10 orë me familjen në Kotorr.
“Unë tani jam njohur me kërkesën e PD, dhe e konsideroj një shpifje të pastër politike. Unë s’kam dalë kurrë jashtë shtetit, për herë të parë kam kaluar kufirin në prill të këtij viti dhe kam qëndruar për 10 orë në Kotorr me familjen. S’kam qenë as në Itali as në Greqi dhe në asnjë vend tjetër të BE. PD mund ta kontrollojë këtë që them unë me anë të sistemit TIMS. Në kohën që i referohet PD unë kam qenë polic këtu në Shqipëri”, tha deputeti i akuzuar nga PD.
Partia Demokratike i nxori emrin edhe deputetit të PDIU Aqif Rakipi per te cilin thote se ka te shkuar kriminale ne Itali. Por në një prononcim për mediat, Rakipi tha se nuk ka asnjë problem me Italinë.
“As kam asnjë lloj problemi me Italinë. PD atë punë ka, s’ka me ca të merret edhe meret me mua. Të shofi pjesën e vetë si Lul Basha dhe ato të tjerët atje se i kanë rekordet kriminale këtu në Shqipëri. Unë s’kam asgjë në Itali. E ka shpallur prokuroria për mua kur i kanë marrë verifikimet nga shteti italian dhe ka rezultuar që s’kam asgjë. Të bjeri provat nëse ka dhe pastaj flasim, nëse ka prova okej”- tha Rakipi.
a.ç
