Nisma e Bashkisë së Tiranës për mbjelljen e 100 mijë pemëve deri në 21 mars, që përkon me Ditën Ndërkombëtare të Pyjeve, është futur në fazën e saj intensive. Me qindra qytetarë e biznese, por edhe mjaft figura të njohura publike nga arti, sporti i janë bashkuar thirrjes së kryebashkiakut Veliaj për të ndihmuar në shtimin e sipërfaqeve të gjelbra në kryeqytet për të krijuar në këtë mënyrë një ambient të shëndetshëm.
Por, përkrahja masive duket se ka shqetësuar opozitën, e cila këto ditë ka mobilizuar njerëz për të kundërshtuar nismën, sipas një strategjie të përcaktuar ditore. Në vijim të përgatitjeve për zgjedhjet e ardhshme vendore, grupseksionet e PD-së në Tiranë janë orientuar të telefonojnë në televizione ose të publikojnë në rrjetet sociale, sipas një grafiku të mirëpërcaktuar, kundër nismës të mbjelljes së pemëve.
Vetëm sot, 4 telefonata njëra pas tjetrës në emisionin “Koha për t’u zgjuar”, drejtuar nga Bashkim Hoxha, kritikuan nismën për mbjelljen e pemëve të reja në kryeqytet. Por, siç edhe gazetari Bashkim Hoxha pyeti telefonuesit: Po ç’të keqe ka të gjelbërohet qyteti?
ma.me
