Deputetët e Partis Demokratike pritet të bojkotojë sot punimet e Kuvendit. Ky duket se është vendimi marrë pak minuta më parë gjatë mbledhjes së grupit parlamentar të PD-së, në të cilin është vendosur që kjo forcë politike të vijojë të mbajë të njëjtin qëndrim ndaj Kuvendit, deri në çuarjen në Gjykatën Kushtetuese të mandatit të deputetit të PS-së, Rakip Suli. Siç është bërë e ditur prej disa javësh, demokratët kanë vendosur një marrdhënie të kushtëzuar ndaj Kuvendit, duke e kushtëzuar praninë e tyre në seancat parlamentare me disa kërkesa që kanë të bëjnë kryesisht me dërgimin në kushtetuese të disa mandateve të deputetëve të mazhorancës, me arësyetimin se kanë përfituar fonde publike duke pasur mandatin e deputetit.
