Patriarku serb Irinej i tha gazetës “Danas” të Beogradit se “nuk do të ketë seancë të jashtëzakonshme të Sinodit të Kishës Ortodokse Serbe (SPC), porse do të pritet seanca e rregullt në maj, në të cilën temë kryesore do të jetë Kosova e Metohia”, transmeton Koha.net.
Gjashtë peshkopë të Kishës serbe kanë kërkuar nga Sinodi të thërrasë Kuvendin e jashtëzakonshëm të Kishës për të diskutuar e marrë qëndrim për Kosovën “në momentin historik të saj” në të cilën ndodhet.
Siç është shprehur patriarku, për thirrjen e seancës së jashtëzakonshme të Kuvendit kanë mbërri vetëm tri kërkesa, ndërsa që thirrja të jetë e vlefshme nevojitet më shumë se gjysma e trupit hierarkik dhe atij legjislativ të Kishës Ortodokse Serbe. (b.an)
