Debatet kanë vijuar edhe ditën e sotme në sallën e Kuvendit, ku pjesë e akuzave në distancë janë bërë deputeti demokrat Astrit Patozi dhe kreu i Kuvendit Ilir Meta. Akuzat mes tyre janë bërë në lidhje me standartin e zgjedhjeve vendore.
Ka qenë kryeparlamentari Meta që i ka kujtuar Patozit zgjedhjet aq shumë të debatuara të vitit 1996, të cilat u kritikuan se u vodhën masivisht nga Sali Berisha.
Por në kundërpërgjigjen e tij Patozi i kujtoi Metës se në këtë vit kanë bashkëpunuar së bashku për të spiunuar ish-kryeministrin dhe ish-liderin e PS Fatos Nano.
“Unë me të vërtetë jam me PD por nuk jam nga ata që them se zgjedhjet e ’96 ishin të standartit më të mirë. Pastaj mos harro se ne të dy kemi bashkëpunuar në atë kohë për të spiunuar Fatos Nanon” u shpreh Patozi
Në fund Meta i kërkoi që ta merrte me qetësi dhe me dashuri dhe se do të merrte parasysh këshillat e bëra nga deputeti demokrat.
