Gjyqtari i Gjykatës së Apelit në Shkodër është shkakruar nga Komisioni i Pavarur i Kualifikimit. Vendimi i KPK është dhënë sot, ku thuhet se Kryeziu ka rezultuar me probleme.
Mësohet se ka qenë pasuria ajo që kac ‘djegur’ Kryeziun, i cili nga hetimet rezultoi me burime të pamjaftueshme financiare për të justifikuar shtimin e pasurisë në vitin 2005 dhe 2015; përkatësisht në vlerat e 204 mijë dhe 1.4 milionë lekëve.
Gjatë këtyre viteve, subjekti ka deklaruar vit pas viti kursime në cash, por në asnjë rast nuk deklaron pakësimin e tyre me qëllim investimet në pasuri të patundshme.
Kryeziu e ka nisur karrierën në sistemin e drejtësisë në vitin 1998 si gjyqtar në Gjykatën e Librazhdit. Ndërkohë, në vitin 2006, ai është emëruar inspektor pranë Këshillit të Lartë të Drejtësisë, ndërsa në vitin 2012 kaloi si gjyqtar në Gjykatën e Apelit të Shkodrës.
Seanca ndaj Kryeziut u kryesua nga Valbona Sanxhaktari, ndërsa relatore ishte Etleda Çiftja dhe anëtare e trupës, Xhensila Pine. Në cilësinë e vëzhguesit ndërkombëtar ishte i pranishëm Theo Jacobs.
g.kosovari
