Stefano Pioli do të jetë trajneri i Milanit edhe sezonin e ardhshëm. Paraqitjet e mira që kuqezinjtë po bëjnë në kampionat kanë bërë që klubi kuqezi t’i besojë trajnerit, që shprehet i kënaqur nga vendimi.
“Jam i lumtur dhe krenar për besimin që kam marrë nga Milani. Dua t’i falënderoj të gjithë, përfshi edhe tifozët tanë, që na mungojnë në stadium. E kam thënë, e ardhmja jonë është e sotmja. Duhet të jemi të përqendruar e të vendosur”, tha Pioli.
Më tej, trajneri kquezi tha: “Duhet të jemi të bashkuar, si një skuadër e vërtetë. Jemi vetëm ën fillim të një rrugëtimi të gjatë. Nëse vazhdojmë të punojmë në këtë mënyrë do të rritemi edhe më shumë, do të jemi edhe më kompetitivë”.
“Klubi me mua ka qenë korrekt, pasi më thanë që zgjedhja e trajnerit do të bëhet në bazë të punës e rezultateve në fund të sezonit. Unë mendova të punoj dhe ia dola mbanë. Jemi rritur shumë pas rikthimit në fushë”, tha Pioli.
g.kosovari
