Teksa vijon puna për pastrimin e fasadës së Kryeministrisë, dëmtuar nga boja dhe molotovët, që u hodhën mbi të gjatë protestës së fundit të opozitës, Edi Rama jep një mesazh.
Përmes një postimi në Facebook, Rama shprehet se kush ka zgjedhur të shëmtojë e të dëmtojë, është i dënuar të turpërohet e të dështojë.
“Kush ka zgjedhur të shëmtojë e të dëmtojë, është i dënuar të turpërohet e të dështojë. Kush ka zgjedhur të pastrojë e të ndërtojë, është i dënuar të durojë dhe të vazhdojë”, shkruan Rama.
Ndërkohë nga ana e saj Partia Demokratike ka vendosur që protesta e radhës kundër qeverisë “Rama” të zhvillohet më 25 maj.
Lajmin e bëri të ditur më herët Kreu i PD-së, Lulzim Basha i cili u shpreh për mediat se protestat do të vijojnë deri sa të sigurohen zgjedhje të lira dhe të ndershme.
