Liqeni i Fierzës, është 4 metër larg kuotës maksimale. Niveli aktual është 292 metër, ndërsa prurjet kalojnë 160 metër3 ujë në sekondë. Në pikun e kuotës së tij, sipërfaqja dhe brigjet janë të mbushura plot me mbetje plastike e spitalore. Bashkia vijon aksionet, por autoritetet lokale pranojnë se ato nuk janë zgjidhja përfundimtare
“Zgjidhja e këtij problemi nuk bëhet me aksione. Ndër vite janë bërë aksione të tilla. Për shkak të prurjeve që sjell liqeni si nga ana e Kosovës dhe Maqedonisë vazhdojnë të jenë problematikë. Disa herë janë tentuar të gjenden zgjidhje të mëdha, por që në fakt jemi në këtë fazë”, u shpreh kryetari i këshillit të qarkut Kukës, Abdullah Domi.
Edhe një herë tjetër brigjet u pastruan, por mbetjet e depozituara nga Kosova e rikthejnë situatën. E kjo të kujton dhe njëherë angazhimet e pa mbajtura.
Në 2014 Ministritë e Mjedisit të Shqipërisë dhe Kosovës firmosën një marrëveshje, e cila kishte si qëllim ndërtimin e rrjetave të çelikut në deltat e lumenjve që furnizojnë liqenin. Por këto struktura ende nuk janë ndërtuar ndërkohë që prania mbeturinave frenon projektet e shumta që hartohen për shfrytëzimin e zonës si atraksion turistik në më shumë se 81 kilometrat katrore të liqenit, që prek bashkitë e Kukësit, Hasit, Tropojës dhe Pukën.
g.kosovari
