Nga Altin Ketro
Problemi më i madh që ky largim sjell për PS-në lidhet me mënyrën se si do të perceptohen në të ardhmen prurjet nga shoqëria civile, një qasje që PS-ja dhe veçanërisht Edi Rama e kishin kthyer në një lloj “trendi”, duke i vlerësuar shpesh më shumë sesa figurat me kontribute të gjata në parti.
Këto prurje nga shoqëria civile, një frymë që kryesocialisti Rama e futi dalëngadalë në PS, u bënë pjesë normale e mënyrës së funksionimit gjatë gjithë mandateve të saj në legjislativ.
Në këtë kuptim, gjesti i zonjës Koçeku mund të përbëjë shkak të mjaftueshëm që këto prurje të reduktohen në minimum, duke i mbyllur kështu rrugën asaj shtrese të angazhuar në fusha të ndryshme, por që ka qëndruar jashtë anëtarësimit në parti politike.
Me gjithë vullnetin e mirë të Edi Ramës, ai nuk do ta ketë më kaq të lehtë të afrojë individë të pafiltruar për qëndrueshmërinë që duhet të kenë ndaj partisë që u beson përfaqësim.
Koceku nuk ka te frejte morale por as juridike qe mandatin qe i dha PS ne listen e sigurte ta perdir si e pamvarur.Dorezo mandatin dhe ne zgjedhjet e ardhshme dil ne votim te hapur para popullit.Po ti nuk ke faj si gjithmone Rama ben zgjedhje personale si me Arben Ahmetajn qe i doli kunder