Mesnatën e djeshme, protesta, e cila vazhdon prej 15 ditësh, mori një tjetër drejtim. Pasi protestuesit qëndruan për afro tri orë në shesh dhe u mbajtën fjalimet e zakonshme nga qytetarë të ndryshëm, nisi marshimi në rrugët e qytetit, duke bllokuar autostradën dhe Rrugën e Rinasit, çka krijoi pakënaqësi te qytetarët e tjerë.
Ky marshim i pazakontë ka shkaktuar edhe një debat mes organizatorëve, të cilët duket se janë ndarë në dy “fronte mendimi”.
Në rrjetet sociale janë publikuar video të personave që kundërshtojnë marshime të tilla, duke argumentuar se për shumë protestues pjesëmarrja në to është fizikisht e pamundur.
Palët kanë shkëmbyer akuza të forta ndaj njëra-tjetrës, duke përdorur edhe fjalor të ashpër.
View this post on Instagram
