Baladat dhe hitet e krijuara nga këngëtari i njohur Flori Mumajesi padyshim që ka ‘pikëlluar’ fansat e tij, por edhe adhuruesit e ndonjë kënge plot kuptim siç artisti shquhet që i bën.
Artisti i njohur ka fshirë të gjitha këngët nga You tube me pretendimin se muzika e tij “ka vdekur tashmë”. Në fund, këngëtari u shpreh se është shumë mirë dhe se mund ti rikthehet muzikës.
“Unë kam fshirë të gjitha këngët e para tre muajsh në kanalin tim zyrtar, 45 vepra, më erdhën nja 10 mesazhe ‘pse nuk e shikoj më këtë këngën’. Këngën “Me Fjalë të Vogla”, këngën “Plas”, këngën “Thjesht të Du”, ka tre javë që nuk janë në “YouTube” dhe s’do janë as në “Spotify”.
Deri dje ishin, jo më kot e vura këngën mbrëmë, sepse këto kohë kam pasur atë aktivitetin që i zgjoja njerëzve memorien për të parë e për të vërtetuar a mungonte kënga “Me Fjalë të Vogla” për shembull që është pikë e dobët, “Plas”, “Thjesht të Dua.”
Jam shumë mirë, mund të bëj muzikë prapë, por është më mirë të shkosh në fund të detit dhe të marrësh vrull”.
Por sigurisht të gjithë ndjekësit e tij besnik mesa duket “nuk e kanë lënë rehat” këngëtarin. Flori u shpreh se ka pasur trafik mesazhesh dhe telefonatat për të cilat artisti u shpreh se do u dedikojë një rrëfim, ose takim live, audio apo video.
“Kam pasur trafik mesazhesh, telefonatash, në Whatsapp, në Instagram. Edhe gazetarët më kanë kërkuar prononcime, të bëjë intervista. Të gjithë ju që më keni shkruar shumë, po shumë, meritoni një rrëfim. Meritoni një takim me mua, në mos live, në video, në audio. Sonte në Instagram, si thoni?”, shprehet Flori./m.j
