Pritën 11 vite por dolën fituese! Gjykata Administrative e Apelit ka vendosur që të lërë ën fuqi vendimin për
kompensimin e pagave të deputeteve për 5 anëtare të Partisë Socialiste.
Bëhet fjalë për deputetet e kohës: Vasilika Hysi, Mimi Kodheli, Eglantina Gjermeni, Enkelejda Shkreli dhe Ermonela Felaj.
Sipas gazetares Klodiana Lala, Apeli i Administratives ka lënë në fuqi vendimin e marrë më 7 prill 2018, në favor të socialisteve. Vendimi përcaktonte qartë se deputetet duhet të merrnin pagën e prapambetur për periudhën 7 shtator 2009 deri në 31 maj të 2010-ës.
Pas zgjedhjeve të 2009-ës, Partia Socialiste bojkotoi parlamentin duke akuzuar demokratët se u kishin “rrëmbyer” toren duke u vjedhur vota.
Pas disa muajve bojkot, PS iu rikthye jetës parlamentare në limitin e përcaktuar, duke mos i djegur mandatet. Në atë kohë kryeparlamentarja demokrate Jozena Topalli iu “preu” rrogat deputetëve socialistë, të cilët kërkuan të drejtën e tyre në Gjykatë./ b.h
