Pas Zamira Ramit, një tjetër ish- kryebashkiake e LSI-së ka përfunduar në SPAK, me akuzën për shpërdorim detyre. Bëhet fjalë për ish-kryebashkiaken e Prrenjasit, Miranda Rira. Lajmi është konfirmuar nga burime për Report Tv, teksa mësohet se bëhet fjalë për padinë e bërë nga kryebashkiaken Nuri Belba, lidhur me tenderi për fushën e sportit. Dosja ka përfunduar nga Prokuroria e qytetit në SPAK.
Për cilën çështje bëhet fjalë? Në datë 23 janar 2019 u zhvillua procedura e prokurimit e hapur për ndërtimin e fushës së re të sportit me fond limit 82, 544, 578 lekë, ku sipas kryetarit të bashkisë, Nuri Belba ka pasur shkelje, pasi njëra nga firmat ka depozituar ankimin pasi u skualifikua. Belba gjatë fushatës elektorale premtoi se do të depozitonte kallëzim sapo të merrte çelësat e bashkisë pasi ngriti akuza për procedurën dhe kështu bëri, teksa në datë 10 shtator çoi dosjen në prokurori.
Më herët, Miranda Rira i ka cilësuar akuzat dhe padinë si politike. Sipas saj, vendimi i gjykatës administrative i dha të drejtë bashkisë për ndërtimin e fushës së sportit. “Ky vendim gjykate hedh poshtë gjithë gjuetinë e shtrigave që ju keni bërë e që vazhdoni të bëni ndaj meje”, shprehej Rira./a.p
