Kryeministri Edi Rama ka tërhequr kandidatin e PS-së nga zgjedhjet e Kavajës, e teksa vendimi është bërë publik përmes një deklarate live nga kryeministria, simpatizantët e PD kanë ngazëllyer duke e konsideruar si një fitore të tyren.
Në rrugët e Kavajës janë grumbulluar një sërë simpatizantësh të opozitës të cilët kanë brohoritur për fitore.
Nga ana tjetër Lulzim Basha, i cili kishte programuar një takim në Kavajë në orën 19:00 me strukturat e PD, është “detyruar” të kthehet drejt kryeqytetit, ku pritet të mbajë një fjalim në çadrën e opozitës.
Bashkë me Bashën, është urdhëruar që në çadër të vijnë dhe aktivistët e PD-së, të cilët ishin stacionuar në Kavajë.
