Sonte, aktorët e humorit të Top Channel do të sjellin shfaqjen e tyre në qytetin turistik të Gjirokastrës, duke vazhduar turin “Verë dhe Portokalle” në të gjithë Shqipërinë. Me një energji që nuk shteron dhe pasion për të përhapur të qeshurën, ansambli udhëton nga një destinacion në tjetrin.
Një natë më parë, Saranda u mbush me gaz e humor teksa trupa performoi para qindra qytetarëve dhe turistëve që kanë zgjedhur bregdetin për pushimet e tyre në këto ditë të nxehta. Skeçet e përgatitura me përkushtim nga artistët krijuan një atmosferë elektrizuese që mbërtheu publikun nga fillimi deri në fund.
