Kreu i Prezencës së OSBE-së në Shqipëri, Bernard Boschard është fotografuar duke ecur në rrugët e Tiranës i pa shqetësuar, me kufje në vesh dhe çantë të vogël.
Pa kostumin dhe kravatën që e shoqërojnë në daljet publike, duket se Boschard është çlodhur pas shumë ditëve të gjata në angazhimin për arritjen e një kompromisi mes palëve në Këshillin Politik për reformën zgjedhore.
Prezenca e OSBE është kujdesur veçanërisht për mbledhjet e Këshillit Politike, madje duke paguar dhe sallat për zhvillimin e këtyre mbledhjeve.
Por, Barchard ndryshe nga ambasadorët e tjerë që kanë marrë pjesë në takimet e fundit, të cilët kanë bërë deklarata të njëpasnjëshme, ka qëndruar larg vëmendjes së mediave.
Kjo duket më shumë një zgjedhje e tij pas qëndrimeve të ashpra të opozitës ndaj tij, si dhe shpalljen “non grata” nga zyra e Presidentit Meta me arsyetimin se ka vënë në disktuim dekretin për zgjedhjet e qershor 2019.
Bernard Boschard ka një karrierë të gjatë si diplomat në trojet shqiptare. Para se të shkëmbente si ambasador i OSBE-së në Shqipëri, ai ka qenë ambasador i Gjermanisë në Tiranë, ndërsa në Kosovë ka shërbyer si shef i EULEX-it.
