Pavarësisht akuzave të opozitës, ish-deputeti socialist Arben Ndoka, pas dorëzimit të mandatit të deputetit, ka marrë mbështetjen e disa prej kolegëve të tij të grupit parlamentar të PS. Pas dorëzimit të mandatit të deputetit, emri i ish-deputetit u vu sërish në qendër të akuzave, për shkak të një kallëzimi të ILDKP për fshehje të pasurisë dhe pastrim parash.
Ndoka reagoi, me një status në “Facebook”, duke sqaruar se pasurinë e tij e kishte vënë me biznes të ligjshëm dhe të ndershëm. Në komentet mbështetëse që atij i janë bërë, pas deklaratës, ishte edhe ai i deputetit socialist të Kavajës, Parid Cara.
“Beno, me kurajë dhe qetësi do të dalësh nga kjo situatë me kokën lart. Kush të njeh, e dinë mirë se kështu do të ndodhë. Të jam afër vlla”, shkruan në komentin e tij, deputeti socialist Cara
