Pas deklarates se kryeministrit Rama se ne zgjedhjet e 18 qershorit do te shkohet pa PD-ne, sepse me kete te fundit nuk u arrit nje marreveshje, ka reaguar lideri i demokrateve Lulzim Basha pas mbleshjes se grupit parlamentar dhe Kryesise se partise, i cili ka thene se PD nuk ka vendosur asnjehere per bojkot apo mospjesemarrje ne zgjedhje.
“S’ka bojkot, s’ka mospjesëmarrje, por luftë të vendosur, paqesore, demokratike për të mos lejuar marrjen peng të zgjedhjeve nga krimi dhe droga. Ky është vendimi që do mbështesë bashkimi më i madh i shqiptarëve në 13 maj”.
“Prej ditës së parë, ne jemi të hapur për dialog politik, dialog qe duhet të ketë premisën e suksesit mbi të vërtetat e pranuara… s’do pranojmë asnjë dhuratë lëmoshë, nuk bëhet për karriget tona, por që qytetarët të zgjedhin të lirë. PD kurrë nuk ka marrë një vendim për bojkot të zgjedhjeve, kurrë s’ka marrë vendim për mospjesëmarrje në zgjedhje, e gjithë kjo betejë bëhet për pjesëmarrje në zgjedhje, por qe qytetaret të zgjedhin të lirë. Në 18 qershor s’do jenë zgjedhje, por votime të një koalicioni monist, të dominuara nga krimi”, tha Basha.
