Për personazhet publike nuk është aspak e lehtë të përballojnë dhimbje, pasi ata duhet të jenë gjithmonë në formë për publikun.
Para disa ditësh, Dojna Mema ka humbur babanë e saj në një moshë të re. Kjo sigurisht është një dhimbje shumë e madhe për Dojnën dhe familjen e saj. Pavarësisht se Top Channel i ka dhënë asaj hapësirën për t`u qetësuar aq sa do dëshironte, Dojna ka vendosur të rikthehet në “Pop Culture” pikërisht për hir të babait të saj.
E veshur me të zeza, ajo kishte zgjedhur një mënyrë mjaft prekëse për të rikujtuar të atin e ndjerë, duke luajtur në piano, një talent që jo gjithkush e dinte për Dojnën, por që babai i saj e kishte ëndërruar gjithmonë ta shihte vajzën e tij pianiste.
Moderatorja u shpreh se as babai i saj s’do të donte të hiqte dorë nga puna e saj:
“Me buzëqeshje do të më thoshte: ‘Të dua të fortë bab, ti nuk thyhesh para asgjëje, sot në ‘Pop Culture’ do të jem për të, sot e në vazhdim do të bëj gjithçka me një shtysë më shumë. Këtë ia dedikoj tim eti dhe të gjithë juve që ju pëlqen muzika e shpirtit”. /e.s/
