Që në administratë dhe në qeveri ka pasur korrupsion të pushtetarëve kjo tashmë nuk diskutohet nga opinioni publik. Por janë vetë figurat politike që po e lënë të nënkuptuar këtë.
E fundit nga radhët e Partisë Demokratike është kandidatja për bashkinë e Durrësit Grida Duma. Ajo gjatë një takimi me komunitetin rom në lagjen Nishtulla, referuar postit të saj në të kaluarën si zëvendës ministre e integrimit, theksoi se fondet e BE për këtë shtresë të popullsisë janë vjedhur.
Dhe Grida e di mirë pasi siç shprehet ajo e di se sa fonde sjellin ndërkombëtarët për komunitetin rom.
“Nuk ju kanë trajtuar ndonjëherë as me fondet e Bashkimit Europian. Kam qënë zv/minister e Integrimit dhe e di shumë mirë se sa fonde sjell Europa vetëm për komunitetet tuaja. Duhet të ishin ndërtuar dy qendra tani në Durrës. Asnjë nuk është ndërtuar. Duhet të ishte ndërtuar të paktën një qendër shëndetësore për ju.” u shpreh Duma.
Dje ishte kandidati për Tiranën Halim Kosova i cili tha se po të donte në 20 ditë ministër do të ishte bërë milioner, duke lënë të kuptohet se çfarë mund të jetë bërë në 8 vite.
