Kriza në Maqedoni shumë shpejt mund të përhapet në të gjithë Ballkanin. Alarmi është dhënë nga kryeministri serb Aleksandër Vuçiç, në një intervistë dhënë për Euroneës.
“Do të bëjmë çmos për t’i ndihmuar që të kalojnë problemet e vendit të tyre dhe do t’i ofrojmë gjithçka të nevojshme për të realizur qëllimin. Sepse kjo është gjëja më e rëndësishme për të gjithë ne: Nëse ka revolta dhe trazira në Maqedoni, këto mund të përhapen edhe në zona të tjera të Ballkanit perëndimor”, thotë Vuçiç.
Deklaratat e kryeministrit serb vijnë në një kohë kur mediat e Beogradit i frikësohen një projekti të Shqipërisë së Madhe.
Por pavarësisht deklaratave, Serbia mbylli kufirin me Maqedoninë gjatë fundjavës për të penguar kalimin e qytetarëve të Kumanovës drejt Luginës së Preshevës.
