Ish-kryeministri Sali Berisha ka zbuluar destinacionin e radhës të bashkëbisedimit të tij me demokratët nën moton “Foltorja”.
Pas Fierit dhe Vlorës, Sali Berisha do të takohet me demokratët e Durrësit të mërkurën në orën 18:00 te Pallati i Kulturës.
“Foltorja” e ish kreu të PD nisi disa ditë pas vendimit të kryetarit aktual Lulzim Basha për ta përjashtuar Berishën nga grupi parlamentar për shkak të ultimatumit nga SHBA që e ka shpallur atë “non grata”.
Ish kryeministri ka kërkuar në të gjithë takimet largimin e Lulzim Bashës, duke hedhur akuza ndaj tij se bashkëpunon me Edi Ramën.
Në takimin e fundit në Vlorë, Berisha u shpreh se dhe Basha ka pasur probleme për të udhëtuar drejt Shteteve të Bashkuara të Amerikës.
