Vetëm pas dy javësh pritet që të mesohet vendimi për Frrokun dhe nës mund t’i shpëtojë ekstradimit nga Holanda për në Shqipëri
Kjo për faktin se gjykata e Amsterdamit, në mungesë të një vendimi unifikues, ka kërkuar një afat prej 14 ditësh për të shqyrtuar vendime të ndryshme që janë marrë nga gjykatat holandeze në lidhje me ekstradimin e shtetasve shqiptarë.
Si mund t’i shpëtojë drejtësisë Arben Frroku? Gjykatat holandeze me vendime të kundërta.
Në Holandë, gjykata e Amsterdamit ka marrë dy javë kohë për të shqyrtuar kërkesën e Prokurorisë shqiptare për ekstradimin e Arben Frrokut, i dënuar me burgim të përjetshëm për vrasjen e kryekomisarit Dritan Lamaj.
Mbetet e paqartë nëse do të kryhet ekstradimi, pasi ka disa vendime të ndryshme të gjykatave Holandeze në lidhje me ekstradimin e shtetasve shqiptarë.
Vetem pak ditë më pare gjykata holandeze vendosi rikthimin në Shqipëri të një shtetasi që pretendonte se i kërcenohej jeta.
Kërkesa e tij për të qendruar në Holandë u refuzua, pasi autoritetet shqitpare kishin siguruar se do merrnin masa shtese për mbrojtjen e personit që do të kthehej.
Por në një tjeter vendim të gjykatës se Amsterdamit të marrë në 2014, një vrasës shqiptar nuk u ekstradua nga Holanda në Shqiperi, kjo pasi sipas autoriteteve holandeze vendi ynë nuk mund të garantonte sigurinë nëpër burgje.
Shtetasi shqiptar, i akuzuar për një vrasje të kryer në vitin 2000, kishte pretendimin se rrezikohej nga gjakmarrja në atdhe. Ky pretendim i tij u pranua nga trupi gjykues, I cili vendosi që shqiptari mund të qendronte në Hollandë.
Gjykata e argumentoi vendimin me faktin që sistemi I burgjeve shqipare është i korruptushëm, ndaj I akuzuari për vrasje nuk e kishte të sigurt jeten aty për të shlyer dënimin.
Një tjetër element që mund të jetë në favor të Arben Frrokut janë dhe ngjarjet e ndodhura së fundmi në burgjet shqiptare ku në Vaqarr te Tiranës ndodhi një sulm me snaiper, dhe një i burgosur u plagos në këmbë.
Ndersa në burgun e Shënkollit në Lezhe një i dënuar humbi jetën në rrethana jo shume të qarta. Mbetet për të parë se cili do të jetë vendimi i gjyqtareve për kërkesen e ekstradimit të Arben Frrokut që pritet të jepet javët e ardhshme.
Në qoftë se Frroku nuk ekstradohet, atëhere ai do të lirohet nga burgu i Amsterdamit dhe mund te vazhdoje i qetë qendrimin e tij në Holandë në gjendje të lire.
