Një ngjarje e pazakontë ka ndodhur mesditën e sotme në kryeqytet, teksa një qytetar ka parkuar mjetin në mes të Unazës për të urinuar në Lanë.
Një qytetar solli fotografitë e shtetasit në fjalë, i cili ndaloi automjetin e tij me targa AA633 GO, ndërsa i menjëhershëm ka qenë reagimi i Bashkisë Tiranë.
Sipas Policisë Bashkiake dhe fletës së gjobës, shtetasi F.M është gjobitur me 2 mijë lekë të reja për kundërvajtjen e kryer. ‘Java News’ ka zgjedhur ta fshijë emrin e shkelësit në fjalë, ndërsa rasti u denoncua nga një qytetar A.H. (javanews.al / a.n)
