“Ne nuk kemi kohë për të humbur”, kjo është deklarata e përbashkët e Merkel, Hollande dhe Renzi në lidhje me zhvillimet e fundit për Brexit.
Në një konferencë të përbashkët për shtyp 3 liderët kryesore të BE thanë: “Ne jemi të sigurt se BE-ja është mjaft e fortë për të dhënë përgjigjet e duhura”për vendimin e popullit britanik që të lënë BE.
Duke deklaruar se nuk do të ketë bisedime informale me Britaninë në rast se nuk do të vijë kërkesa zyrtare për largimin nga BE.
Renzi dhe Holande u shprehën se është shumë e rëndësishme që procesi i daljes së Britanisë të përshpejtohet në mënyrë që unioni të fokusohet në problematika të tjera që shqetësojnë bllokun, shkruan oranews. Megjithatë kancelarja gjermane Angela Merkel nuk ushtroi presion në këtë pikë. Liderët deklaruan se BE do të mbetet solid edhe me një pjesëtar më pak, ndërsa bënë thirrje për impulse të reja.
