Abdulgadir Masharipov, autori i sulmit në një klub nate në Stamboll gjatë ndërrimit të viteve, ku humbën jetën 39 persona, ka pranuar krimin. Prefekti i Stambollit Vasip Şahin pohoi se si rezultat i hetimeve janë përputhur dhe shenjat e gishtërinjve të tij, raporton Anadolu Agency (AA). Bashkë me drejtorin e policisë së Stambollit, Mustafa Çalışkan, Prefekti i Stambollit, ka mbajtur konferencë për media në Drejtorinë e policisë së Stambollit në lidhje me sulmin në Ortaköy. Ai theksoi se drejtoria e policisë që nga dita e sulmit ka bërë një punë shumë serioze dhe të ndërlikuar dhe me këtë operacion të kryer është arrestuar autori i sulmit.
“Në kuadër të këtyre punimeve janë kryer operacione në 152 adresa, ku si rezultat janë ndaluar 50 persona. Gjithashtu i janë dorëzuar autoriteteve përkatëse për vazhdimin e procedurave të nevojshme 168 persona apo të dyshuar për t’u bërë luftëtarë të huaj. Bashkë me terroristin janë sekuestruar edhe 197 mijë dollarë amerikanë, 2 pistoleta me karikatorë (nga të cilat njëra prej pistoletave është me ajër) dy dronë dhe dy sim kartela si dhe shumë materiale të tjera”, tha Şahin. Pasi ka vënë në dukje se terroristi ka pranuar krimin Şahin, tha se “në të njëjtën kohë në hetime janë përputhur edhe shenjat e gishtërinjve”. Duke shprehur falënderimet për të gjithë njësitë e policisë për operacionin e suksesshëm dhe duke uruar që ngjarje të tilla të mos ndodhin më prefekti Şahin tha: “Në këtë pikë kemi marrë masat në nivelin më të lartë. Kemi marrë masa në çdo kuptim për institucionet apo organizatat e rrezikuara. Sigurisht që edhe ndjeshmëria e qytetarëve tanë është shumë e rëndësishme. Gjatë këtyre operacioneve janë kryer rreth 2.200 denoncime. Për ne këto janë informacione dhe prova shumë të rëndësishme. Presim që ndjeshmëria e qytetarëve tanë të vazhdojë duke u rritur”.
“Është arrestuar në njërën prej 5 adresave”
Pas një pyetjeje se si është arrestuar terroristi, prefekti i Stambollit Vasip Şahin, ka thënë: “Bashkë me terroristin janë ndaluar edhe një person nga Iraku dhe 3 femra të cilat janë nga Egjipti dhe Afrika. Po vlerësohen ndalimet e tyre ku ka mundësi të lartë për lidhje me organizatën. Ata janë ndaluar të gjithë sepse ndodheshin në një shtëpi me terroristin. Përveç irakianit 3 femrat vlerësohen se kanë mbërritur aty në 3 ditët e fundit. Sigurisht që këto janë vlerësime por gjatë hetimeve këto do të qartësohen edhe më tej. Punonjësit e policisë ishin në ndjekje të këtyre adresave ku si rezultat i ndjekjeve në këto 5 adresa u bë i mundur arrestimi”.
Pas një pyetjeje se si është arrestuar terroristi, prefekti i Stambollit Vasip Şahin, ka thënë: “Bashkë me terroristin janë ndaluar edhe një person nga Iraku dhe 3 femra të cilat janë nga Egjipti dhe Afrika. Po vlerësohen ndalimet e tyre ku ka mundësi të lartë për lidhje me organizatën. Ata janë ndaluar të gjithë sepse ndodheshin në një shtëpi me terroristin. Përveç irakianit 3 femrat vlerësohen se kanë mbërritur aty në 3 ditët e fundit. Sigurisht që këto janë vlerësime por gjatë hetimeve këto do të qartësohen edhe më tej. Punonjësit e policisë ishin në ndjekje të këtyre adresave ku si rezultat i ndjekjeve në këto 5 adresa u bë i mundur arrestimi”.
“Atë ditë ka patur dikush që e ka ndihmuar”
Në pyetjen e një gazetari se “ka pretendime se në ditën e ngjarjes terroristi është ndihmuar?”, prefekti Şahin është përgjigjur se “Tani është ende herët, hetimi vazhdon. Presim që në një kohë të shkurtër të arrijmë të marrim këto informacione. Sigurisht që atë ditë ka patur dikush që e ka ndihmuar. Këto do të përcaktohen më qartë gjatë hetimeve”.
Në pyetjen e një gazetari se “ka pretendime se në ditën e ngjarjes terroristi është ndihmuar?”, prefekti Şahin është përgjigjur se “Tani është ende herët, hetimi vazhdon. Presim që në një kohë të shkurtër të arrijmë të marrim këto informacione. Sigurisht që atë ditë ka patur dikush që e ka ndihmuar. Këto do të përcaktohen më qartë gjatë hetimeve”.
“Ka hyrë ilegalisht në muajin janar”
Pasi ka njoftuar se terroristi ka hyrë në vend ilegalisht në muajin janar Şahin, tha se “Ka prova të forta se ka hyrë nga kufiri në lindje të vendit. Këto po ndiqen. Por, të paktën është e qartë se kjo është kryer në emër të DEASH-it”.“Në operacione të tilla qëllimi ynë është që të kapim të gjallë kriminelin. Edhe ky operacion është kryer në mënyrë të tillë, ku edhe forcat tona të sigurisë sipas ligjit nuk përdorin armë nëse nuk janë të detyruar. Në këtë operacion nuk ka qenë nevojë për përdorimin e armëve për arsyen se edhe pala përballë nuk ka përdorur armë”, tha ai.Prefekti Şahin ka theksuar se për kryerjen e këtij operacioni janë shfrytëzuar edhe informacione të marra nga bashkëshortja e terroristit ku ndaj pyetjes në lidhje “nëse ndodhej fëmija pranë tij”, Şahin vuri në dukje se “mesnatën e djeshme vajza nuk ishte pranë tij, por pranë nënës së saj. Ne vlerësonim se djali do të ishte pranë tij por nuk ishte”. Ndërsa në pyetjen për fatin e fëmijës, Şahin ka thënë: “Në lidhje me fëmijët ka disa dispozita në legjislacionin tonë kombëtar, si dhe marrëveshjet ndërkombëtare. Sigurisht që mbrojtja e këtyre fëmijëve do të bëhet në përputhje me këto dispozita”.
Pasi ka njoftuar se terroristi ka hyrë në vend ilegalisht në muajin janar Şahin, tha se “Ka prova të forta se ka hyrë nga kufiri në lindje të vendit. Këto po ndiqen. Por, të paktën është e qartë se kjo është kryer në emër të DEASH-it”.“Në operacione të tilla qëllimi ynë është që të kapim të gjallë kriminelin. Edhe ky operacion është kryer në mënyrë të tillë, ku edhe forcat tona të sigurisë sipas ligjit nuk përdorin armë nëse nuk janë të detyruar. Në këtë operacion nuk ka qenë nevojë për përdorimin e armëve për arsyen se edhe pala përballë nuk ka përdorur armë”, tha ai.Prefekti Şahin ka theksuar se për kryerjen e këtij operacioni janë shfrytëzuar edhe informacione të marra nga bashkëshortja e terroristit ku ndaj pyetjes në lidhje “nëse ndodhej fëmija pranë tij”, Şahin vuri në dukje se “mesnatën e djeshme vajza nuk ishte pranë tij, por pranë nënës së saj. Ne vlerësonim se djali do të ishte pranë tij por nuk ishte”. Ndërsa në pyetjen për fatin e fëmijës, Şahin ka thënë: “Në lidhje me fëmijët ka disa dispozita në legjislacionin tonë kombëtar, si dhe marrëveshjet ndërkombëtare. Sigurisht që mbrojtja e këtyre fëmijëve do të bëhet në përputhje me këto dispozita”.
