Shorti i Europa Ligës vuri përballë Skënderbeun dhe skuadrën turke të Beshiktashit. Gazeta turke “Hurryiet”, teksa raporton lajmin për shortin e Beshiktashit në Ligën e Evropës. Kjo gazetë e ka pasqyruar në një mënyrë të veçantë ndeshjen me skuadrën që mban emrin e heroit kombëtar të shqiptarëve.
Ajo shkruan si titull: “Skënderbeu ‘rikthehet’ në Turqi”. Në edicionin online të saj, gazeta pasqyron historinë e Skënderbeut dhe betejat e tij me osmanët. Ajo e përshkruan sfidën ndaj korçarëve si një duel mjaft interesant.
