Drejtori i Zyrës për Kosovën në Qeverisë e Serbisë Marko Gjuriç ka deklaruar se Serbia është e interesuar për ripërtërirjen e fluturimeve ndërmjet Beogradit dhe Prishtinës, pas 16 vitesh. Sipas tij, kjo çështje ndryshon nga ajo e kontrollit të nivelit më të ulët të hapësirës ajrore. ” Çështja e kontrollit mbi hapësirën e ulët ajrore është një çështje statusore që ka të bëjë me sovranitetin dhe me integritetin territorial të vendit tonë lidhur me të cilin pozita e Serbisë është përcaktuar me Kushtetutë, me ligje dhe me rregullore të tjera kombëtare e ndërkombëtare”, tha Gjuriç. Ai ka shtuar se çështja e krijimi të një linje ajrore është çështje komerciale, zgjidhja e së cilës do të mund të gjendej në dialogun Serbi-Kosovë.
Ai ka theksuar se Serbia është vazhdimisht e angazhuar për zgjidhjen e të gjitha çështjeve të diskutueshme në marrëdhëniet me Kosovën përmes dialogut dhe siç tha ai “duke u përmbajtur nga lëvizjet e njëanshme”, raportojnë mediat serbe, transmeton Klan Kosova.
