I shndërruar në një organ përplasjesh politike midis ish-Ministrit të Drejtësisë Naço, dhe presidentit të Republikës Nishani, tashmë në Këshillin e Lartë të Drejtësisë do të rritet fryma e bashkëpunimit midis përfaqësuesit të qeverisë dhe kreut të shtetit.
Ky ishte zotimi i dhënë nga Minsitri i Drejtësisë Ylli Manjani pas një takimi që ky i fundit zhvilloi në ambjentet e presidencës me kreun i shtetit Bujar Nishani.
“Unë jam përkrahës i goditjes së korrupsionit dhe abuzimit me detyrën. Kam gjetur mirëkuptimin e presidentit për të ngritur një KLD bashkëpunuese”, – tha Manjani.
Si për të treguar zbutjen e toneve midis palëve, Ministri e përshkoi në këtë mënyrë takimin me kreun e shtetit.
“Pata një takim pune në atmosferë shumë të ngrohtë dhe miqësore. I shrpeha mirënjohjen time si Ministër, kryetarit të KLD dhe Këshilli të sigurisë. Gjeta mirëkuptimin për të bashkuëpnuar në drejtim të menaxhimit shumë të mirë të punëve”, tha Manjani.
