Policia italiane ka goditur një bandë grabitësish të përbërë nga shqiptarë ku rol kryesor kishte një femër. Ajo siguronte inofrmacione për objektivat e grabitjes.
Gruaja me profesion parukiere dëgjonte bisedat e klientëve të saj në parukeri, e më pas organizonte vjedhjet në shtëpitë e tyre.
Shqiptarët operonin në provincën e Modenas, por edhe në zona të tjera. Nga fundi i vitit 2016 deri në fillim të vitit 2017, ata kishin kryer plot 41 vjedhje në apartamente të ndryshme.
Gruaja që punonte si parukiere në Correggio, në Reggio Emilia, pasi dëgjonte bisedat e klientëve udhëzonte 3 bashkëpunëtorët, ku bënte pjesë edhe ish-bashkëshorti, duke sinjalizuar periudhën kur shtëpitë ishin bosh, për shkak të angazhimeve apo largimit për pushime të pronarëve.
Fokusi kryesor i vjedhjeve ishin stolitë, e për këtë arsye operacioni u pagëzua pikërisht kështu. Falë sendeve të çmuara, që sipas mediave italiane i kishte grabitur me profesionalitet të madh, e më pas i kishte dërguar në Shqipëri, grupi kriminal kishte grumbulluar qindra mijëra euro./a.m.
