Klubi i Partizanit ka publikuar sot çmimet e biletave të derbit të kryeqytetit i cili do të zhvillohet të dielën në “Elbasan Arena”. Ashtu siç ka ndodhur edhe në të kaluarën, klubi i kuq ka vendosur që të subvencionojë një pjesë të çmimit të biletave për ato tribuna ku rrinë zakonisht ultrasit e kësaj skuadre, të cilët pritet të jenë të shumtë për derbin e parë të sezonit, edhe pse ai do të zhvillohet larg kryeqytetit.
Njoftimi i Partizanit
INFORMACION për ÇMIMET E BILETAVE
FK PARTIZANI – KF TIRANA / E DIEL ORA 19:00
Klubi njofton se për këtë takim çmimet e biletave në tribunat respektive do të jenë:
Biletat në Tribunën VIP do të kushtojnë 2 500 Lek
Biletat në Tribunat A dhe B për sektorët A1,A2,A3,A4,B1,B2,B3,B4 dhe B5 do të kushtojnë 1 500 Lek ,
Biletat në Tribunat F, E dhe D do të kushtojnë 700 Lek
Biletat në Tribunën C1,C2,C3,dhe G1,G2,G3 do të kushtojnë 500 Lek
Tifozeria e kuqe do të akomodohet në sektorët e Tribunave A3,A4 ,B3,B4,B5,C1,C2,C3,D,E dhe F
Tifozeria bardheblu do të ketë në dispozicion Tribunat A1,A2,B1, B2,G1,G2,G3
Ju bëjmë me dije se pjesa e tifozerisë së kuqe, e cila do të akomodohet në Tribunën C e ndarë në sektorët C1,C2 dhe C3 do të kenë mundësinë ti sigurojnë biletat me çmimin 300 Lek. Shuma e mbetur me vlerën 200 Lek do të sponsorizohet nga ana e Klubit kundrejt kompanisë që menaxhon biletat. Kjo nismë ndërmerret në kuadër të politikave të klubit për të mbështetur tifozerinë e kuqe e cila mbetet lojtari i 12-të në çdo ndeshje.
Biletat do të mund ti siguroni nga dita e Mërkurë duke filluar nga ora 09:00 pranë pikave të shitjes:
TIFOZERIA E PARTIZANIT
1.Pranë Pallatit të Sportit “Asllan Rusi”
2.Në dyqanin e Partnerit Teknik të Partizanit “Joma” pranë stadiumit “Selman Stërmasi”
3.Në pikën e biletarisë pranë Stadiumit “Elbasan Arena”, Elbasan
TIFOZERIA E TIRANES
Në pikën e Biletarisë pranë stadiumit “Selman Stërmasi” ./panorama/a.k
