Partia Batkivchtchina (Kombi) e ish-kryeministres Julia Timoshenko vendosi sot të tërhiqet nga koalicioni qeverisës, pasi kryeministri ukrainas me një reputacion në rënie, i shpëtoi mocionit mosbesimi.
“Grupi parlamentar i partisë Batkivchtchina mori vendimin e duhur, tërheqjen nga koalicioni”, deklaroi Julia Timoshenko, në faqen e saj në Facebook, duke i bërë thirrje forcave të tjera politike të ndjekin të njëjtin shembull.
“Ne duhet të jemi të vetëdijshëm se koalicioni proevropian në Parlament nuk ka ekzistuar kurrë. Ai që ka ekzistuar gjithnjë si një koalicion aspak transparent i klaneve oligarkike, që formoi qeverinë dhe udhëhoqi vendin”, shtoi ajo, sipas një deklarate të partisë së saj.
Kryeminstri Arseni Jaçeniuk i shpëtoi një ditë më parë mocionit të mosbesimit në Parlament pavarësisht thirrjes së kreut të shtetit, Petro Poroshenko, për dorëheqje pas një sërë skandalesh kurrupsioni.
