Zëdhënësi i CDU/CSU për politikën evropiane, Florian Hahn, ka bërë një deklaratë të ashpër sa i përket dorëzimit të mandateve nga opozita shqiptare.
Përmes një njoftimi zyrtar, Hahn shprehet se Shqipëria ka hyrë në procesin e humbjes së kredive nga miqtë europianë, shkruan JavaNews.al
CDU deklaron se partia simotër, PD, po bën një autogol me aktet e saj të fundit.
“Në rast se perspektiva për çeljen e negociatave për në BE në mesin e vitit të kaluar ishte ende rozë, tani po shfaqen re të zeza. Protestat e aktuale në Tiranë pengojnë qeverinë, si dhe paralizojnë funksionimin e parlamentit.
Protestat dhe demonstrtratat bëjnë pjesë tek të drejtat e njeriut dhe janë një tipar dallues i demokracisë, në rast se ato zhvillohen në mënyrën e duhur.
Por deputetët e partive tona partnere në Shqipëri i bëjnë një shërbim të keq (autogol) qëllimit të tyre, nëse nëpërmjet dorëzimit masiv të mandateve do të shkaktojnë një stanjacion politik dhe do të nxisin protesta të dhunshme.
Një qëndrim refuzues nuk i shërben as vendit, as qytetarëve. Prandaj ju bëj thirrje miqve tanë në Shqipëri për vetëpërmbajtje. ” – thotë Florian Hahn.
Ai i bën thirrje miqve shqiptarë për të treguar maturi. Sipas tij, perspektiva evropiane e Shqipërisë është para një rreziku.
Qeveria dhe opozita duhet të zhvillojnë menjëherë bisedime, në mënyrë që të rifillojë funksionimi i parlamentit dhe të rivendosen marëdhënie të qarta. Perspektiva evropiane është vënë në rrezik” – përfundon zëdhënësi i partisë së kancelares Merkel.
/JavaNews/a.rada
