Parti të re? Berisha nuk tërhiqet: Vetëm PD, ne nuk do zgjedhim emër tjetër

Ish-kryeministri, Sali Berisha nga Durrësi ka dhënë një përgjigje që mund të thuhet se është përfundimtare për fatin e opozitës.

Ai thotë se nuk do ta ndërrojnë emrin e partisë pavarësisht se çfarë ka ndodhur dhe vijon të ndodhë.

Berisha thotë se ai emër dhe demokracia e Shqipërisë, ai emër dhe pluralizmi, ai emër dhe shpresa e Shqipërisë, duhet të jetojnë dhe do jetojnë gjithmonë.

Në parlament çfarë po bëjmë? Ne e dimë që ai nuk i plotëson kërkesat, por ne do qëndrojmë deri në pikën e fundit. Sepse ne duhet të vrasim frikën te të tjerët. Këto janë akte, simbole të guximit, por duhen për të vrarë frikën. Se ka ngjallur frikë ky biri i xhelatëve. Ka ngjallur frikë te qytetarët. Unë do ua them këtu, shumë nga ju mund të keni menduar se ne duhet të zgjedhim emër tjetër. Jo, ne nuk do zgjedhim emër tjetër. Ai emër dhe demokracia e Shqipërisë, ai emër dhe pluralizmi, ai emër dhe shpresa e Shqipërisë, duhet të jetojnë dhe do jetojnë gjithmonë.”, tha Berisha./m.j