Ligjvënësit britanikë kanë votuar këtë të shtunë për të shtyrë një vendim nëse do të mbështesin një marrëveshje të Brexit me Bashkimin Evropian, duke dëmtuar planet e qeverisë për t’u larguar nga blloku në fund të këtij muaji.
Kryeministri britanik tashmë do duhet të kërkojë nga BE një zgjatje të afatit përtej 31 tetorit, pasi deputetët mbështetën me një mocion të projektuar për të përjashtuar një Brexit pa marrëveshje. Ndaj parlamentit do t’i duhet më shumë kohë për të shqyrtuar këtë mocion.
Sipas BBC, ministrat britanikë thonë se votimi për marrëveshjen e rishikuar të Brexitit nuk mund të shqyrtohet brenda një afati të shkurtër kohor.
Gjatë seancës së sotme parlamentare, deputetët britanikë i dhanë një goditje strategjisë së kryeministrit Johnson për Brexit, duke mbështetur një mocion të paraqitur nga deputeti i pavarur Sir Oliver Letëin, i cili “nuk lejon miratimin” e marrëveshjes Brexit deri sa të miratohet legjislacioni për zbatimin e plotë të saj.
