Parlamenti Europian ka refuzuar që të zhvillojë debat dhe të miratojë rezolutë lidhur me vrasjen e Kostanfinos Kacias më 28 tetor në Bularat të Gjirokastrës. Kërkesa për diskutimin mbi vrasjen e Kacifas në mënyrë zyrtare në PE është dorëzuar nga deputeti grek në PE, Notis Marias, raporton media greke “reporter.gr”.
Ai ka kërkuar që në axhendën e këtij institicioni të diskutohet mbi vrasjen dhe qëndrimin e qeverisë shqiptare dhe Kryeministrit Edi Rama. Gjithashtu kërkohej që PE të dilte me një rezolutë mbi minoritetin në Shqipëri. Kërkesa e tij është hedhur në votim dhe ka pasur kundër 278 eurodeputetë. Pro kërkesës për diskutim kanë qenë 48 deputetë.
Kërkesa e deputetit grek u prezantua si qëndrim i grupit parlamentar Konservator dhe Reformist në PE. Interesant është fakti se kërkesa zyrtarisht është mbështetur vetëm nga 3 deputetë nga 21 që ka Greqia në PE. Konkretisht nga Notis Marias, Eleza Boserberg dhe deputetja që u shpall non grata nga Shqipëria, Eleni Theocharous. Në seancë nuk ishin të pranishëm shumica e deputetëve grekë ne PE.
Deputeti grek, Notis Marias i cili është profesor në Selanik, mbajti një deklaratë me shumë të pavërteta për atë që ka ndodhur në Bularat dhe për mënyrën sesi Shqipëria i trajton minoritetet. “Kacifas u vra në një operacion eliminimi. Pala shqiptare për 10 ditë mbajti trupin e tij pa të drejtë. Gjatë funeralit të tij sjellja e policise shqiptare ishte me natyrë terroriste… Autoritetet shqiptare po shkatërrojnë Kisha dhe shtëpitë e minoriteti grek që jeton në Shqipëri”.
a.ç
