Pjesa e parë e ditës do të dominohet nga kthjellime dhe vranësira të lehta në pjesën më të madhe të vendit por në zonat veriore do të ketë zhvillim të vranësirave duke rrezikuar shira të dobët. Më të theksuar në verilindje të vendit.
Parashikohet që pasditja të vijojë me kushte të paqëndrueshme meteorologjike në zonat veriore duke bërë që vranësirat dhe shirat të mbeten prezent por e gjithë pjesa tjetër e territorit do të dominohet nga alternime kthjellimesh dhe vranësirash të shpeshta.
Sipas MeteoAlb, temperaturat e ajrit do të qëndrojnë konstante në orët e mëngjesit por orët e mesditës do të sjellin rritje të lehtë të tyre. Era do te fryjë mesatare me shpejtësi 30 km/h nga drejtimi jugperëndimor duke bërë që në Adriatik dhe Jon dallgëzimi të arrije deri në 2 apo 3 ballë.
Europa
Pjesa më e madhe e kontinentit të Europës do të jetë nën ndikimin e masave ajrore të qëndrueshme kontinentale duke ndikuar në pjesën më të madhe të tij mot me kthjellime dhe vranësira të lehta. Ndërsa vetëm diell do të ketë në brigjet e Egjeut, gadishullin Iberik si edhe brigjet e detit të zi. Përjashtim bëjnë vendet e Europës qendrore si edhe rajoni i balltikut të cilat do të dominohen nga vranësira dhe shira të përkohshëm. Po ashtu me rrebeshe shiu do të mbeten alpet e Europës./noa/a.k
