Moti i kthjellët dhe temperaturat e larta do të jenë dominuese në të gjithë territorin e vendit gjatë orëve të paradites. Parashikohet që dhe pjesa e dytë e ditës të vijojë në ndikimin e kthjellimeve dhe vranësirave të shpeshta duke gjeneruar shira të përkohshëm në pjesën më të madhe të vendit, më të dukshme në zonat malore Lindore.
Sipas MeteoAlb, temperaturat e ajrit do të pësojnë rritje të lehtë në vlerat maksimale të ditës duke bërë që termometri të ngjitet deri në 37 gradë C. Era do të fryjë mesatare në tokë dhe e fortë në bregdet me shpejtësi 40 km/h nga drejtimi kryesisht veriperëndimor duke bërë që në brigjet detare të gjenerohet dallgëzim 4 ballë.
Europa
Edhe gjatë ditës së shtunë, kontinenti i Europës do të jetë nën dominimin e masave ajrore të nxehta dhe të thata me origjinë Afrikane duke kushtëzuar mot të kthjellët dhe temperatura të larta. Sërish më të larta temperaturat do të shënohen në gadishullin Iberik si edhe gadishullin Ballkanik. Përsa i përket Europës veriore si dhe rajonit teë balltikut, vranësirat dhe shirat do të jenë prezent ku herë pas here do të ketë rrebeshe./noa.al/a.k
