Pjesa e parë e ditës do të karakterizohet nga kthjellime dhe vranësira të lehta në të gjithë ultësirën perëndimore ndërsa me vranësira më të dendura do të mbetet situata e motit në zonat malore përgjatë kufirit lindor.
Pjesa e dytë e ditës do vijojë me alternime kthjellimesh dhe vranësirash pothuajse në të gjithë vendin. Sërish më të dukshme vranësirat do të jenë në verilindje dhe juglindje të territorit. Parashikohet që gjatë orëve të mbrëmjes dhe gjatë natës vranësirat të largohen nga i gjithë territori i vendit.
Sipas MeteoAlb, temperaturat e ajrit do të pësojnë 1- 2 gradë rritje si në vlerat minimale dhe në ato maksimale. Era do të fryjë mesatarisht me shpejtësi 25 km/h nga drejtimi veriperëndimor duke bërë që në brigjet detare të gjenerohet, dallgëzim deri në 3 ballë.
Europa
Masat ajrore të qëndrueshme do të mbeten prezent për vendet mesdhetare dhe ballkanike duke bërë që moti i kthjellët por i ftohtë të jetë dominant. Po ashtu me mot të kthjellët por temperatura shumë të ulta do të mbeten vendet e Europës Lindore.
Ndryshe paraqitet moti për gadishullin Skandinav ku dominuese do të jenë reshjet e dendura të dekorës. Po ashtu, vendet e perëndimit do të jenë në ndikimin e shirave intensive duke sjellë përmbytje në shumë rajone./noa/a.k
