I gjithë territori i vendit do të dominohet nga kthjellime dhe vranësira të lehta e kalimtare, më të dukshme vranësirat do të paraqiten në zonat malore veriore dhe juglindore. Mesdita do të jetë kryesisht me kthjellime në të gjithë vendin.
Parashikohet që kushtet e qëndrueshme të motit të na shoqërojnë dhe gjatë orëve të pasdites, për pasojë kthjellimet do të dominojnë në të gjithë territorin. Në orët e vona të natës priten sërish kalime vranësirash nëpër të gjithë vendin.
Sipas MeteoAlb, temperaturat e ajrit do të jenë konstante gjatë orëve të mëngjesit ndërsa mesdita do të sjellë një rritje të lehtë të temperaturave në zonat veriore të vendit.
Era do të fryjë mesatare si në tokë dhe në det me shpejtësi 28 km/h nga drejtimi perëndimor- veriperëndimor duke bërë që në brigjet detare të gjenerohen dallgë 2 ballë.
Europa
Kontinenti i Europës do të jetë nën ndikimin e masave ajrore të qëndrueshme me origjinë kontinentale, kjo do të bëjë që në pjesën më të madhe të tij të jetë dominues moti i kthjellët dhe vranësirat e lehta e kalimtare. Konkretisht, me diell do të paraqitet moti për vendet Mesdhetare, gadishulli i Ballkanit si edhe pjesa më e madhe e Europës. Ndërsa me vranësira të shpeshta si edhe shira do të jetë moti për ishujt britanike, vendet Skandinave si edhe vendet Balltike por shirat më të dendur do të bien në Britaninë e Madhe./noa/a.k
