Zonat bregdetare do të dominohen nga alternime kthjellimesh dhe vranësirash ndërsa zonat malore si edhe një pjesë e zonës së ulët do të kenë sërish shira por në sasi më të pakta. Parashikohet që pasditja të vijojë me vranësira dhe shira lokale në të gjithë zonën veriore dhe qendrore duke lënë me kthjellime dhe vranësira zonat jugore të vendit.
Gjatë natës pritet përmirësim i kushteve të motit për të gjithë territorin e vendit. Sipas MeteoAlb, temperaturat e ajrit do të pësojnë rritje të lehtë në të dy vlerat ekstremale të ditës. Era do të fryjë mesatarisht me shpejtësi 35 km/h nga drejtimi verior dhe veriperëndimor, kjo do të bëjë që në det të gjenerohet dallgëzim 3 ballë.
Europa
Europa veriore sie dhe vendet e balltikut do të jenë në dominimin e vranësirave të dendura si edhe shirave intensive. Po ashtu, me vranësira dhe rrebeshe shiu do të mbetet situata e motit për gadishullin Ballkanik. Përsa i përket Europës qendrore, gadishullin Iberik si edhe ishujt britanike do të jenë në ndikimin e motit te kthjellët.
